Keisi Medini ka reaguar përmes një statusi në mediat sociale lidhur me akuzat dhe spekulimet që janë bërë për të gjatë qëndrimit në “Big Brother”.
Kryesisht ajo i referohet zërave se ka qenë në lidhje me Lorencin duke shkruar se e bënë të lidhur dhe folën me konfidencë për të, duke lënduar prindërit e saj.
Keisi shkruan se nuk ka lënduar e ofenduar asnjëri dhe se sinqeriteti i saj u mor për dobësi.
“Hodhët vrer mbi emrin tim. Shpifët dhe gjykuat veprimet e mia. Më shqetësuat ata që më sollën në këtë jetë, prindërit e mi, mallkuat e shpifët, më vendosët tituj, e epitet, aq më tepër edhe ‘e lidhur’. Folët me aq konfidenca për gjërat e mia. Treguat gjithë urrejtjen që patët brenda vetes për një 22-vjeçare që s’bëri asgjë të shëmtuar në atë shtëpi, nuk ofendoi e lëndoi njeri. I dha përqafim çdo banori, u përpoq të falte sa më shumë dashuri dhe të ishte ajo vajza e vogël e shtëpisë që sjell vetëm buzëqeshje. E morët për dobësi sinqeritetin tim gjithashtu dhe naivitetin e tepruar. Unë prap do buzëqesh akoma më shumë dhe jam më e fort se kurrë, po s’do lejoj më njeri të hedhë baltë mbi emrin tim.”
Discussion about this post