Belind Këlliçi, kandidati i opozitës për kryebashkiak të Tiranës i ka premtuar sot të gjithë punonjësve të administratës së Erion Veliajt, që nëse ata do t’i heqin nga puna përpara zgjedhjeve vendore, do të rikthehen pas datës 14 maj pa qenë nevoja për të fituar gjyqe. Njëkohësisht, Këlliçi ka garantuar se “Pesë Drejtorët” e famshëm arrogantë të bashkisë të kthyer në biznesmenë, që nën zë njihen si 5D-ja, do të dalin para ligjit.
“Një nga pikat që e nis dhe javën sot, me këtë premtim. U jap premtim të gjithë punonjësve të bashkisë së Tiranës, sepse marr çdo ditë mesazhe dhe komente se po shantazhohen për vendin e punës etj .etj, që nëse një punonjës i thjeshtë, një punonjës i thjeshtë preket, lëvizet nga puna para datës 14 maj, i garantoj të gjithë që do të rikthehen në vendet e tyre të punës pas datës 14 maj.
Erion Veliaj nuk mund të luajë me bukën e administratës, me bukën e punonjësve të thjeshtë dhe me ata që e marrin rrogën, janë të ndershëm, bëjnë punën e tyre por nuk vihen në rresht për një për të qenë ose aktivistë të Veliajt, ose patronazhistë dhe për të votuar Veliajn.
Marr çdo ditë (mesazhe); ju garantoj jeni shumë, jeni një armatë e tërë që çdo ditë më shkruani në Fb apo në numrin tim personal. Rrini të qetë, asgjë nuk do të ndodhë. Janë presione, janë shantazhe të një personi të dëshpëruar , të një kryetari bashkie që siç më keni thënë ju vetë, po të vendoset kutia e votimit në katin e dytë të bashkisë Tiranë, unë e mund atë më votë brenda bashkisë Tiranë!
Këtë realitet, siç e dini ju, e di dhe ai. E rëndësishme është që të jeni të qetë që nuk do të ketë asnjë penalitet dhe të gjithë personat që mund të goditen politikisht për këtë arsye, do të rikthehen në vendet e tyre dhe pa pasur nevojë, Flavio, sepse kemi një problem të madh: Ne kemi dy administrata: njërën që punon dhe njërën që paguhet me vendime gjyqi.
Për të gjithë ata që janë hequr në mënyrë të padrejtë nga puna, nuk ka nevojë për të abuzuar me Buxhetin e Shtetit , nuk ka nevojë për gjyqe, për të fituar gjyqe. Kush hiqet padrejtësisht nga puna, do të rikthehet në vendin e punës.
Drejtorët e Veliajt në burg
Ndërkohë, ata drejtorë, ata banditë, ata drejtorë që janë kthyer sot në biznesmenë, është një kompani e famshme 5D quhet, e pesë drejtorëve të bashkisë së Veliaj, janë pesë drejtorë aq arrogantë sa ia kanë vënë emrin 5D dhe këta pesë drejtorë që janë ktheyr ën biznesmenë, në ndërtues, në vend që të bëjnë punën , këta do të shkojnë para ligjit, këta do të mbajnë përgjegjësi duke nisur nga drejtorët që janë kthyer sot në gjobëvënës të qytetarëve çdo ditë , nga këta të Policisë Bashkiake, ky i IMT, të gjithë me radhë, do t’i bëjmë publikë patjetër në ditët në vijim, që të gjithë qytetarët ta kuptojnë se sot bashkia e Tiranës është kthyer në një armatë politike rreth Erion Veliajt, që gjobit çdo ditë qytetarët, që shantazhon, bën tendera fiktivë. Drejtori ia jep vetes së vet ose të afërmit të vet, i marrin vet paratë dhe për qytetarët s’ka asgjë, nuk ka as kopshte, as shkolla, as çerdhe, nuk ka transport publik, që është gangrenë, nuk ka parqe, nuk ka asgjë. Ka vetëm pemë imagjinare, ka vetëm trena elektrikë që i përdor Veliaj.”, u shpreh Këlliçi.
Discussion about this post