Deputeti i Partisë Demokratike, Belind Këlliçi ditën e sotme në komision ka hedhur akuza karshi qeverisë shqiptare, në lidhje me koncesionet e inceneratorëve. Ai u ndalur tek koncesioni 128 milionë euro, për inceneratorin e Tiranës. Në lidhje me këtë koncesion, deputeti tha se një ndër skandalet është fakti se aty nuk ekziston një incenerator, por vetëm landfill. Më pas, ai solli përsëri në vëmendje marrëveshjen me Bashkinë e Durrësit, për të sjellë mbetjet në Tiranë.
“Mbeturinat kapsulohen, groposen, helmohet nëntoka dhe sot në landfillin e Sharrës nuk ka një incinerator që bën djegien e mbetjeve. As objekti i incenerimit nuk është”-tha Këlliçi.
“Më tej dihet presioni i kryeministrit ndaj Bashkisë së Durrësit për të nënshkruar një kontratë me inceneratorin e Tiranës për të inceneruar mbetjet. Në kulmin e sezonit turistik, Durrësi u mbush me plehra dhe në gusht të vitit 2021 qeveria I dha 32 milion euro, nga taksat e shqiptarëve, për të mbështetur bashkinë e Durrësit që kjo e fundit të paguajë inceneratorin e Tiranës”-deklaroi Këlliçi.
Këlliçi hodhi dyshime se plani i qeverisë nuk është thjeshtë dhe vetëm trajtimi i, mbetjeve në vendin tonë, por qëllimi sipas tij është të sillen edhe mbetjet e rajonit.
Discussion about this post