Në Komisionin e Ekonomisë sot, kryebashkiaku i Lezhës Pjerin Ndreu, i ka kërkuar qeverisë që të ndajë në mënyrë të barabartë fondet për bashkitë dhe jo disa prej tyre t’i lërë me lëmosha. Por, kjo kërkesë e tij është kundërshtuar nga kreu i Bashkisë Tiranë, Erion Veliaj.
Veliaj tha se, fondi i emergjencave civile nuk duhet të ndahet në mënyrë proporcionale, pasi bashki të ndryshme përballen me fatkeqësi të ndryshme. “Për emergjencat morëm dje një përgjigje pozitive. Qeveria ka vendosur që 4%-shin e emergjencave civile t’ia kalojë pushtetit vendor. Në fund të ditës, është bashkia që çon zjarrfikëset, është bashkia që hap dhe pastron kanalizimet për përmbytjet. Pra, mban barrën më të madhe të këtyre situatave. Ajo që kërkojmë është që të bëhet një vlerësim risku dhe të ndahet sipas frekuencës së fatkeqësive natyrore, jo në mënyrë proporcionale,” tha ai. Por, Ndreu këmbëngulte që të gjitha bashkitë duhet të trajtohen në mënyrë të barabartë nga ana financiare.
Discussion about this post