Deputeti i PD dhe njëherazi kandidati për Bashkinë e Tiranës në zgjedhjet e 14 majit, Belind Këlliçi ka mbajtur fjalën e tij në Konventën e ‘Grupit Dhjetor ‘90’.
Këlliçi ka kërkuar që të jenë në krah të tij në betejën për fitoren në Tiranë, pasi Shqipërisë i kanoset një e keqe edhe më e madhe, quhet Erion Veliaj.
“Unë kam hyrë në një betejë të paprecedentë, përballë një regjimi, përballë një diktakture në forma moderne. Do mundohem të marr kurajo, guxim, shembull nga beteja që ju bëtë për të rrëzuar një sistem gjakatar, diktaturë gjakatare, por nga ana tjetër ne sot përballemi me forma moderne të monizmit. Me një diktakturë që i ka kapur qytetarët te kafshata e gojës, me Aktivistin, që i kërcënojnë me bukën e gojës, atyre që nuk mendojnë njëlloj si qeveria, me sondazhet e blera që përherë nxjerrin qeverinë fituese, por që në fakt ndryshimi vjen nga vota e popullit.
Do të doja shumë të ishit krah meje në këtë betejë që po bëj për Tiranën, për të parandaluar një keqe shumë të madhe që e ka kapur sot për fyti Shqipërinë dhe që quhet Edi Rama, por që Shqipërisë sot i kanoset një e keqe edhe më e madhe, që quhet Erion Veliaj.
Në ka një pikë takimi sot me demokratëve dhe socialistëve, qytetarëve pa bindje politike, atyre që votojnë për herë të parë, atyre që nuk votojnë është bindja absolute se modeli i Erion Veliajt është një model edhe më i keq se i Edi Ramës. Prandaj do të kërkoja përulësisht nga ju, edhe qytetarëve të Tiranës që në këtë betejë që kemi përpara për të ç’rrënjosur këtë model nga kryeqyteti, për të ja rikthyer kryeqytetin qytetarëve, për të rikthyer një model të një administratori normal në bashkinë e Tiranës, nuk ka nevojë të jesh gjithollog, të jesh shkencëtar, ka nevojë të jesh me qytetarët, t’u japësh zgjidhje t’i dëgjosh dhe sigurisht që të mos dalësh në media, por të bësh punë. Këto tipare historikisht të PD-së, që nuk e ka pasur mendien tek propaganda, por tek punët e vendit.”, u shpreh ai.
Discussion about this post