Luisi po largohej drejt Italisë për një trajtim më të specializuar mjekësor.
Familja Meçe shpreh mirënjohjen për mbështetjen e dhënë nga të njohur e të panjohur dhe shpreson në një rikuperim të shpejtë.
“Jam më mirë”, shprehet Luisi.
“E di çfarë ka thënë spitali por që ata nuk më dhanë garanci as firmosën që djali mund ti rikthehet sportit. Ndaj dua të qetësohem me një trajtim më të mirë. Se djali ka pasion futbollin. Si cdo prind do përpiqej për fëmijën e tij!”, shprehet Fiqiri Meçja, babai i Luisit.
Zhurmës së krijuar për hetimin e konfliktit fatal nga ku humbi shokun e ngushtë, Luisi i përgjigjet me këmbënguljen për zbardhjen e plotë të ngjarjes.
“Unë dua veç drejtësi.”, shton Luisi.
Në krah i palëkundur vazhdon ti qëndrojë i ati i tij, Fiqiriu por edhe prindi i Martinit si baba i dytë.
“Pres përfundimin e hetimit. Nuk mund të arrijmë në konkluzione. Më tha babi i Martinit që e ka si djalin e tij”, shprehet babai i Luisit.
Në një intervistë për Top Channel familja Meçe zbulon hapat që kanë ndjekur mbi çështjen ligjërisht.
Kemi bërë ekspertizë private mjeko ligjore. Na kanë treguar pamjet vetëm kur dalin fëmijët, jo kur ka ndodhur.
Autori i arrestuar kërkon lirimin
Ndërkohë, përmes avokatit të tij, 14-vjeçari i dyshuar për vrasjen e Martin Canit dhe plagosjen e Luis Mecjas, pak metra nga rrethimi i shkollës “Fan Noli” në Tiranë, i është drejtuar me ankim gjykatës së Apelit të Juridiksionit të Përgjithshëm.
Ai kërkon zbutjen e masës së sigurisë “arrest me burg” duke renditur argumentet e tij, të cilat nuk janë bërë të ditura nga avokati deri në këto momente.
Në kuadër të hetimit, i mituri M.P, është marrë në pyetje nga prokurorja e çështjes në një seancë maratonë që ka zgjatur afro 8 orë. Detajet e dëshmisë që 14-vjeçari ka dhënë në ambientet e prokurorisë së Tiranës mbahet në sekret të plotë. Ndërsa mësohet se autori i dyshuar i krimit është ballafaquar me disa nga të miturit të cilët kanë qenë të pranishëm në ngjarje.
Prokuroria po vijon hetimet për të hedhur dritë mbi mekanizmin e vrasjes së Martin Canit dhe plagosjen e mikut të tij, Luisit. Në vazhdën e këtyre hetimeve është bërë edhe ballafaqimi mes të plagosurit Luis Mecja dhe kushëririt të tij të parë që ka qenë i pranishëm.
Kjo për faktin që Mecja pretendon për një autor të dytë të dyshuar, ndërsa kushëriri I tij ka dhënë versionin e tij për ngjarjen, mos identifikuar asnjë të mitur tjetër që të ketë patur thikë në vendngjarje.
Martin Cani u godit për vdekje me thikë pak minuta pasi kishte dalë nga shkolla ku kishte patur përplasje me autorin e dyshuar, M.P. Luis Mecja mbeti po ashtu i plagosur dhe pas 11 ditësh qëndrimi në spitalin e Traumës ai u largua për në shtëpinë e tij. ditën e sotme mësohet se është transferuar në Itali për kurim me të specializuar.
gijotina.com/
Discussion about this post