Gjatë intervistës që bëri për Newsmax TV , në programin “Wake Up America” kryeministri Edi Rama nuk la pa përmendur edhe agresionin rus në Ukrainë. Ai deklaroi se kjo histori e ka distancuar Shqipërinë totalisht nga Rusia dhe se nuk ka asnjë nevojë për gazin e tyre.
“Nuk kemi pasur lidhje me Kremlinin qysh në 1960. Por nga ana tjetër kjo histori na distancoi totalisht nga Rusia. Në këto 30 vite demokracie nuk kemi pasur ndonjë president rus në Shqipëri apo anasjellstas dhe nuk na mungon. Nuk varemi nga gazi rus, kemi energjinë tonë, edhe pse kur Zoti lart nuk qan kemi probleme me hidrocentralet. Ky agresion është i gabuar dhe ne qendrojmë me Ukrainën”, tha ai për median ndërkombëtare.
Discussion about this post