Nëse ka diçka që është e sigurt çdo pranverë/verë, ato janë këmishat “Aloha” ose “Hawaiiane”. E mira është që mjafton ta blini një sezon dhe ta vishni çdo sezon tjetër dhe për më tepër, mund t’ja “vidhni” edhe partnerit.
Këtë vit, këmishat “Aloha” i risollën në vëmendje fillimisht Rihanna, Cara Delevigne dhe Sophie Turner.
Thuhet se origjina e këmishës daton që në vitet 1920 ose në fillim të viteve 1930, kur dyqani i mallrave me qendër në Honolulu, “Musa-Shiya the Shirtmaker”, nën pronësinë e Koichiro Miyamoto, filloi të bënte këmisha shumëngjyrëshe. Me kalimin e kohës, këmisha mori emrin “Aloha”, ndërsa sot njihet edhe si “hawaiian shirt”.
Justin Bieber, i vesh shpesh. Por edhe të tjerë djem të famshëm si Bruno Mars, Adam Levigne etj. Edhe ikona e modës së viteve ’90, “Rachel Green” (Jennifer Aniston) e ka veshur këmishën e famshme tek “Friends”.
