Reperi Logic ka rrëfyer jetën e tij në këngën “1-800-273-8255”, që mesa duket shumë njerëz kanë gjetur veten. Kënga tregon historinë e një të riu, i cili po lufton me mendimet për vetëvrasje, ndërsa po pajtohet me seksualitetin e tij. Në videon e këngës, i riu shihet duke telefonuar në numrin 1-800-273-8255, një linjë telefonike që ndihmon personat të cilët vuajnë nga të tilla mendime për shkak të situatave të vështira që kalojnë gjatë një periudhe të caktuar.
Sipas një reviste mjekësore, thirrjet në linjën telefonike u shtuan pas publikimit të këngës. Rritje në volumin e thirrjeve u vunë re gjithashtu pasi Logic performoi në MTV Video Music Aëards 2017 dhe Grammy Aëards 2018, thotë studimi.
“Një reduktim i vetëvrasjeve u vu re në periudhat me më shumë diskurs në rrjetet sociale për këngën”, përfundon studimi.
Logic tha se është krenar që puna e tij duket se po bën ndryshim.
“Të dija se muzika ime në fakt po ndikonte në jetën e njerëzve, me të vërtetë, kjo është ajo që më frymëzoi të bëja këngën,” tha Logic.
Kënga është një nga hitet më të mëdha të Logic. Ai arriti kulmin në numrin 3 në Billboard Hot 100. Gjithashtu u nominua për dy çmime Grammy.
Discussion about this post