Rudina Hajdari, ish-deputete e PD-së, nuk mohoi se ka ambicie për të drejtuar Partinë Demokratike, ndërsa theksoi se ambicia e saj ishte që PD të jetë forcë qeverisëse në vend.
Ajo tha se nuk do ishte e ndershme po ta mohonte se e ka një interes të tillë, por tashmë gjërat duhen parë tej ambicies personale.
“Unë e kam shprehur në disa raste të veçanta që ambicia ime ka qenë që Partia Demokratike të jetë një forcë qeverisëse.
Këto dy vitet e fundit kemi vuajtur nga njerëzit që kanë ambicie të forta dhe ndoshta sot na duhen njerëz që kanë më pak ambicie dhe më shumë zell e dëshirë për të rregulluar partinë dhe për të punuar për interesin e përgjithshëm të Partisë Demokratike dhe jo ambicies personale të një individi.
Te pjesa e ambicies them se pa dyshim çdo aktor që futet në politik pa dyshim që ka ambicie, këtë nuk duhet ta mohojmë se nuk do ishte e ndershme”,-tha Rudina Hajdari në Euronews Albania.
Discussion about this post