E teksa temperaturat e larta kanë kapluar vendin, nesër moti “ndryshon ngjyrë”. Dita e premte pritet të jetë nën ndikim të kushteve atmosferike të paqëndrueshme, ku moti parashikohet me vranësira dhe kthjellime.
Reshjet e shiut pritet të bëhen prezente në orët e para të mëngjesit fillimisht në jugperëndim e gradualisht do të shtrihen edhe në pjesën tjetër të vendit. Në mesditë reshjet hera-herës priten të jenë në formën e shtrëngatave dhe stuhive të shoqëruar me shkarkesa elektrike dhe breshër.
Era nga veriperëndimi me shpejtësi mesatare 1-8m/sek, e cila përgjatë vijës bregdetare dhe në momentin e zhvillimit të vranësirave fiton shpejtësi deri në 15m/sek, shoqëruar më një valëzim në dete të forcës 2-3 ballë.
Për shkak të depërtimit të masave ajrore më të ftohta pritet që temperaturat të pësojnë rënie të ndjeshme në vlerat e mesditës, më konkretisht:
në zona malore 15 deri 25°C
në zona e ulëta 17 deri 30°C
në zona bregdetare 20 deri 30°C
Discussion about this post