Shumë femra e kanë problem faktin që flokët e tyre bëhen shumë shpejt me yndyrë ndaj përdorin si “ilaç” kryesor larjen thuajse të përditshme, gjë që është një gabim i madh. Flokët fillojnë të bëhen edhe të yndyrshëm nëse i trajtoni me shampo dhe balsam çdo ditë. Përveç faktit që duhet t’i lani flokët më rrallë, mos i prekni shpesh me duar, sepse kjo bën që të duken më me yndyrë. Megjithatë, ka disa truke të thjeshta që do t’ju ndihmojnë me këtë problem.
Lëng limoni
Shtrydhni një limon dhe aplikojeni lëngun në flokët tuaj pas larjes së rregullt. Lëreni për 20 minuta, më pas shpëlani flokët me ujë të vakët. Limoni do të thithë yndyrën dhe do t’i mbajë flokët më të pastër për më gjatë.
Birrë
Gjithçka që duhet të bëni është të përzieni gjysmë gote birrë me dy gota ujë dhe të shpëlani flokët me atë përzierje. Pas kësaj, shpëlani flokët mirë me ujë të vakët. Përveçse ndihmon që flokët tuaj të mos bëhen me yndyrë shumë shpejt, birra përmban vitaminë B që është e shkëlqyer për shëndetin dhe rritjen e shpejtë të flokëve.
Discussion about this post