Kur mbeten edhe pak ndeshje nga përfundimi i shumicës së kampionateve në Evropë, duket se “Këpuca e Artë” ka gjetur pronar të ri, me Erling Haaland që kryeson bindshëm me 30 gola, duke u përkthyer në 60 pikë.
Sulmuesi norvegjez i Manchester Cityt është 7 gola para vendit të dytë që mbahet nga Harry Kane i Tottenham. E thënë ndryshe, tashmë është Premier League që komandon edhe në këtë aspekt.
Podiumin e plotëson nigeriani Viktor Osimhen i Napolit me 21 gola, i cili nëse nuk do të ishte dëmtuar në disa raste, mund të kishte rendiment më të mirë dhe të konkurronte me Haaland.
Vetëm vend i katërt për Kylian Mbappe, që ka realizuar 19 gola në Ligue 1, po aq sa Jonathan David i Lille. Ndryshe nga sezonet e fundit, Lewandowski është dorëzuar për këtë trofe, pasi gjendet në kuotën e 17 golave, i cili një sezon më parë në Gjermani realizoi 33 gola.
Edhe një tjetër goleador i dikurshëm si Lionel Messi, gjendet shumë poshtë në renditje, me 14 gola, por argjentinasi justifikohet me asistent, teksa ka dhënë plot 14 të tillë, si asnjë tjetër në 5 ligat kryesore evropiane. Po 14 gola ka shënuar edhe Benzema dhe Lautaro Martinez.
RENDITJA
1.Erling Haaland | Manchester City | 30 goals (60)
2.Harry Kane | Tottenham | 23 goals (46)
3.Victor Osimhen | Napoli | 21 goals (42)
4.Kylian Mbappe | Paris Saint-Germain | 19 goals (38)
5.Jonathan David | Lille | 19 goals (38)
6.Ivan Toney | Brentford | 18 goals (36)
7.Alexandre Lacazette | Lyon | 17 goals (34)
8.Wissam Ben Yedder | AS Monaco | 17 goals (34)
9.Robert Lewandowski | Barcelona | 17 goals (34)
10.Folarin Balogun | Reims | 16 goals (32)
/BW
Discussion about this post