Kosova regjistron çdo ditë shifra në rrije nga koronavirusi që pas shpërthimit të pandemisë. Ditën e sotme Ministria e Shëndetësisë ka njoftuar se në 24 orët e fundit janë kryer gati 7 mijë teste dhe kanë rezultuar pozitivë 585 persona.
Fatmirësisht sot nuk është raportuar asnjë humbje jete nga koronavirusi. Ndër të tjera bëhet me dije se, sot janë shëruar 57 qytetarë, kurse numri i përgjithshëm i të shëruarve është 158.372. Në total numri i rasteve aktive është 3.339. Në 24 orët e fundit janë dhënë 3.830 doza të vaksinës kundër COVID-19.
Ndër të tjera, Ministria e Shëndetësisë tregon se prej fillimit të vaksinimit në të gjitha qytetet e Kosovës janë dhënë 1.708.466 doza të vaksinës. Deri më sot 794.496 qytetarë janë vaksinuar me dozën e dytë, ndërsa në total janë dhënë 27.183 doza përforcuese dhe 2.147 doza të treta të vaksinës kundër COVID-19
Discussion about this post