Ish-sekretari amerikan Mike Pompeo ka mbërritur në Tiranë pak më parë. Mësohet se ai ka ardhur në masa të rrepta sigurie pasi flitet që ka pasur kërcënime terroriste nga iranianët. Gjatë kalimit të tij në autostradë, patur një bllokim të plotë të rrugës, pasi ardhja e Pompeos ishte mbajtur në fshehtësi, sidomos për faktin që do të mbajë një fjalim tek muxhahedinët iranianë që ndodhen në kampin MEK në Manzë. Siç dihet, para katër vjetësh, Shqipëria në bashkëpunim me SHBA zbuloi dy atentate të organizuara nga iranianët (një në Tiranë dhe tjetri në Paris) dhe për këtë arsye u shpall non grata edhe ambasadori iranian.
Pompeo në fillim është pritur nga kryetari i grupit parlamentar të PS, Taulant Balla. Ish-kryediplomati dhe ish drejtori i CIA-s vjen në Tiranë në kuadër të 100- vjetorit të marrëdhënieve Shqipëri -SHBA. Ndërsa bëhet me dije se në kryesinë e Kuvendit pritet të mbahet një aktivitet nga ku Pompeo do të jetë folësi kryesor.
Madje Gijotina. com mëson gjithashtu se Pompeo do të mbajë fjalim tek muxhahedinët e popullit në kampin MEK, që jetojnë tashmë në Shqipëri.
Sekretari i Shtetit Mike Pompeo, në një fjalim në korrik 2018, vuri në dukje përpjekjet për atentat në Paris, si dëshmi të qëllimeve të regjimit. Madje një gjë të tillë e ka pohuar edhe kryetari i Komitetit të Punëve të Jashtme të Këshillit Kombëtar të Rezistencës së Iranit (NCRI), Mohammad Mohaddessin, i cili u shpreh se nuk ka dyshim që komplotet vijnë nga udhëheqja e regjimit.
Ndërsa Mohammad Mohaddessin, kryetari i Komitetit të Punëve të Jashtme të Këshillit Kombëtar të Rezistencës së Iranit (NCRI), tha në një deklaratë për Fox News se nuk ka dyshim se komplotet vijnë nga udhëheqja iraniane. Shqipëria është e rëndësishme sepse është vendi ku më shumë se 2.000 disidentë iranianë që i përkisnin Muxhahidinëve të Popullit të Iranit (MEK) u zhvendosën nga Iraku në 2016. “Ka edhe shqetësime rreth pranisë së agjentëve të regjimit në Shqipëri, ku disidentët u thanë Fox News se ambasada iraniane po punon dhe ka dërguar nëpunës të lartë të inteligjencës”, Më tej, media amerikane bënte me dije se vendosja e 2000 disidentëve iranianë në Shqipëri, ka shqetësuar regjimin iranian. Sipas Fox News, vetë Këshilli Kombëtar i Rezistencës në Iran (NCRI) ka pohuar se regjimi donte t’i vriste ata në Irak dhe dështimi për ta bërë këtë ka shënuar një pengesë të madhe për regjimin.
Discussion about this post