Këshilli i Lartë i Prokurorisë në orën 11:00 ka nisur një takim, pas kërcënimit të jetës së prokurores Doloresa Musabelliu, e cila është marrë në mbrojtje nga SPAK.
Vendimi i Këshillit të Ministrave numër 114, thotë se në rast të rrezikimit të jetës së prokurorit, komisioni i KLP mblidhet për të vendosur ruajtjen e posaçme të tij. Kjo ruajtje duhet kërkuar me shkrim nga magjistrati, Drejtori i Përgjithshëm i Policisë ose Drejtuesi i Prokurorisë.
Në takim janë thirrur edhe kreu i SPAK Altin Dumani, ministri Taulant Balla, kreu i gardës, drejtori i Përgjithshëm i Policisë Muhamet Rrumbullaku dhe prokurorin Kreshnik Ajazi.
Takimi vjen një ditë pasi Doloresa Musabelliu u mor familjarisht nën ruajtje nga SPAK. Fokusi i takimit do të jetë rishikimi i masave të ruajtjes së prokurorëve në Shqipëri.
Një ditë më parë, gazetarja Anila Hoxha paralajmëroi se Ministria e Brendshme po rishikon strategjinë e ruajtjes së prokurorëve.
Burimet i thanë Anila Hoxhës se për shkak të parashikimeve ligjore mbrojtja kërkohet për prokurorët e zakonshëm në KLP nga vetë prokurori , kreu i policisë apo kreu i prokurorisë.
Ndërsa për prokurorinë e SPAK kërkohet në polici direkt nga vetë prokurori, drejtori i përgjithshëm dhe kreu i SPAK.
Discussion about this post