Në një postim në rrjetet sociale, nënkryetari i LSI-së, Petrit Vasili, shkruan se është kërcënuar nënkryetarja e kësaj force politike në Tiranë, Briseida Shehaj. Ai shkruan se Shehaj është kërcënuar sepse ka denoncuar aferën e inceneratorëve. Nënkryetari i LSI, thotë se SPAK të bëj detyrën e saj dhe të vendosë përpara drejtësisë kërcënuesit.
“Kërcënohet N.Kryetarja e LSI-së Tiranë Briseida Shehaj. U kërcënua sepse u tregoi shqiptarëve me fakte dhe emra se si ka grabitur, vjedhur e plaçkitur qeveria e Edi Ramës me Inceneratorët. Sikur SPAK të bënte çerekun e asaj, që bëri Brisida Shehaj në një emision televiziv, nga Edi Rama, Erion Veliaj e dhjetëra të tjerë do të ishin me kohë përpara drejtësisë. Drejtësia të bëjë natën ditë dhe të gjejë horrat, që edhe vjedhin miliarda lekë dhe guxojnë të kërcënojnë. Mjerim për shoqërinë civile, që hesht kur një drejtuese politike femër kërcënohet se denoncon korrupsionin gjigand. Sa për ambasadorët dihet….janë në weekend” – shkruan Vasili në Facebook.
Kujtojmë se Briseida Shehaj ka denoncuar disa herë aferën e inceneratorëve në media dhe hera e fundit ishte ditën e enjte në emisionin “Opinion” që ka folur për këtë temë.
Discussion about this post