Kërcënoi me armë zjarri bashkëmoshatarin, arrestohet 15-vjeçari në Tiranë

Një sherr adoleshentësh, për pak sa nuk ka përfunduar në një tragjedi, pasi njëri prej tyre ka nxjerr një pistoletë.

Policia ka arrestuar një 15-vjeçar, i cili ka kanosur me armë zjarri një 16-vjeçar.

Gjithashtu, policia ka sekuestruar në cilësinë e provës materiale arma e zjarrit pistoletë me krehër dhe municion luftarak.

Ngjarja dyshohet se ka ndodhur ditën e djeshme, rreth orës 19:00, në Valias të Ri.

Njoftimi i policisë:

Kamëz/Finalizohet operacioni policor i koduar “Gun”.

Kanosi me armë zjarri një 16-vjeçar, arrestohet autori i dyshuar.

Sekuestrohen në cilësinë e provës materiale arma e zjarrit pistoletë me krehër dhe municion luftarak.

Shërbimet e Komisariatit të Policisë Nr. 5, në vijim të punës për goditjen e paligjshmërive në çdo formë të shfaqjes së tyre, pas informacionit të marrë se në Valias, një 15-vjeçar kishte kanosur me armë zjarri, një 16-vjeçar, menjëherë kanë organizuar punën për sqarimin e rrethanave të ngjarjes, dokumentimin e plotë ligjor të saj dhe kanë finalizuar operacionin policor të koduar “Gun”.

Gjatë operacionit u arrestua një shtetas 15-vjeç, pasi dyshohet se ditën e djeshme, rreth orës 19:00, në Valias të Ri, ka kanosur me armë zjarri një shtetas 16 vjeç. Arma e zjarrit tip pistoletë, së bashku me krehrin dhe municionin luftarak, u sekuestruan në cilësinë e provës materiale.

Materialet i kaluan Prokurorisë.