Një 57-vjeçar nga Kosova është proceduar penalisht nga policia e qytetit të Kukësit, pasi ka kërcënuar me thikë dhe ka kundërshtuar për shkak të detyrës dy doganierë në pikën kufitare të Moirinës.
Në bazë të njoftimit të policisë bëhet me dije se ndaj autorit me iniciale S.D rëndojnë akuzat kundërshtimi i punonjësit që kryen një detyrë shtetërore ose një shërbim publik dhe kanosja për shkak të detyrës.
Së fundmi, materialet i kanë kaluar Prokurorisë pranë Gjykatës së Rrethit Gjyqësor Kukës, për veprime të mëtejshme lidhur me ngjarjen.
“Nga oficeri i Policisë Gjyqësore i Prokurorisë pranë Gjykatës së Rrethit Gjyqësor Kukës u referuan materialet në këtë Prokurori dhe filloi procedimi penal në gjendje të lirë, për veprat penale “Kundërshtimi i punonjësit që kryen një detyrë shtetërore ose një shërbim publik” dhe “Kanosja për shkak të detyrës”, për shtetasin S. D., 57 vjeç, banues në fshatin Rakiniç, Kosovë, pasi ka kanosur me mjet prerës dhe ka kundërshtuar për shkak të detyrës, dy doganierë në PKK Morinë.”
Discussion about this post