Kina deklaron se të gjithë ata që mbështesin pavarësinë e Tajvanit do të përfundojnë në gjak dhe se stërvitjet ushtarake të nisura rreth ishullit të vetëqeverisur synojnë të dërgojnë një paralajmërim serioz.
“Forcat pro-pavarësisë të Tajvanit do të mbeten me koka të thyera dhe gjak të rrjedhur pas përplasjes më Kinën për arritjen e bashkimit të plotë”, tha zëdhënësi i ministrisë së Jashtme kineze Wang Wenbin, duke i përshkruar stërvitjet rreth ishullit si një “paralajmërim serioz”.
Kina filloi herët të enjten stërvitjet ushtarake rreth Tajvanit që lajmëroi se do të zgjasin deri të premten, vetëm disa ditë pasi presidenti i ri i Tajvanit Lai Ching-te mori detyrën dhe i bëri thirrje Pekinit që të ndalojë kërcënimet.
Komanda e Ushtrisë Popullore Çlirimtare të Kinës njoftoi se kishte filluar stërvitjet e përbashkëta ushtarake me përfshirjen e ushtrisë, marinës, forcave ajrore dhe raketore, në zonat përreth Tajvanit.
Discussion about this post