Çlirim Gjata, një prej ekspertëve ligjorë të Partisë Demokratike, tha mbrëmjen e sotme se kërkesa e SPAK në Parlament për autorizimin lidhur me arrestimin e Sali Berishës, ka lidhje me largimin e tij nga salla e Parlamentit.
Në emisionin “Open”, Gjata tha se ka dy vite që po bëhet çmos që Sali Berisha të mos lejohet të hyjë në Kuvend dhe me këtë kërkesë të SPAK po synohet largimi i ish-Kryeministrit nga Kuvendi.
“Nëse Prokuroria bën hetime ndaj një personi, nuk ka asnjë nen që ta detyrojë personin e hetuar që të paraqitet dhe të flaës para organit të akuzës. Vetëm dëshmitari dhe eksperti mund të merret forcërisht, ndërsa për personin nën hetim, rruga e vetme është dërgimi i çështjes në gjyq.
Janë të drejtat e njeriut që e përcaktojnë këtë, ndërsa në rastin e z. Berisha që është deputet, kemi edhe shkeljen Kushtetuese, duke mos kërkuar që në fillim autorizimin, kur i caktuar dy masat e sigurisë, detyrim paraqitje dhe ndalimin e daljes jashtë vendit”, tha Gjata.
Sipas tij, goditja që i bëhet Berishës ka vetëm një aspect: ta nxjerrin nga Kuvendi dhe ti ndalojnë takimet me qytetarët.
“Është i vetmi kryetar partie që po bënte takime, është i papërballueshëm në sallën e Kuvendit dhe në terren, pra në takime qytet më qytet”, tha Gjata.
Discussion about this post