Vetëm pak orë pasi SPAK kërkoi arrestimin e deputetit socialist Alqi Bllako, si i implikuar në aferën e inceneratorëve, kryeministri Edi Rama ka thirrur me urgjencë mbledhjen e qeverisë.
Mësohet se, Rama ka thirrur të gjithë ministrat te Vila 31 në Tiranë ku do të zhvillojë një mbledhje urgjente pas kërkesës së SPAK për arrestimin e Bllakos, ku pritet heqja e mandatit të deputetit. Sakaq, nesër në orën 17:00 është njoftuar se do të mblidhet Kryesia e Partisë Socialiste.
Kujtojmë se, SPAK lëshoi sot disa urdhër arreste për inceneratorin e Fierit dhe Elbasanit, ku në mesin e tyre ishte dhe emri i deputetit socialist Alqi Bllako,
Kërkesa për arrestimin e Bllakos, vjen pas hetime të SPAK ku është vërtetuar se deputeti dhe ish-ministri Lefter Koka kanë shfrytëzuar postin për favorizimin e kompanisë koncencionare për inceneratorin e Fierit, në këmbim të shumave të mëdha monetare.
Gjtihashtu, SPAK ka sekuestruar po ashtu një apartament me vlerë rreth 150 milionë lekë të vjetra në pronësi të babait të deputetit, e cila dyshohet se është vënë si pasojë e aktiviteteve të paligjshme. Kujtojmë se babai i Alqi Bllakos ka qenë punonjës i një prej kompanive të trajtimit të mbetjeve, duke marrë një rrogë prej afro 12 milionë lekësh të vjetra çdo muaj.
Discussion about this post