Kreu i grupit parlamentar të Partisë Socialiste, Taulant Bala ka dalë në një deklaratë për mediat ku ka komentuar kërkesën e SPAK për arrestimin e deputetit socialist Alqi Bllako.
Nga Kryesia e Kuvendit, Balla tha se Partia Socialiste nuk mbron askënd që shkel vijat e kuqe, ndërsa shtoi se ky është qëndrimi që PS do të mbajë për këdo.
“Në aspektin njerëzor nuk jam i gëzuar, kam një aspekt tjetër që biem dakord që është forca udhëheqëse e PS për të cuar përpara Reformën në Drejtësi dhe drejtësia të funksionojë duke e vendosur përballë pa asnjë dallim nga asnjë krah politik dhe ne do të punojmë të palëkundur për të thelluar efektet e Reformës në Drejtësi. Të jetë e qartë nga të gjithë për këtë. PS ka vendosur vijë të kuqe me këdo sapo të merret përfaqësues i PS drejtësia kërkon ose vendos masë sigurie ose sjell në kuvend një kërkesë për hetime, natyrshëm që PS nuk është mburojë për askënd dhe në këtë këndvështrim kjo do të jetë vijë e kuqe për këdo. Ne do të mbajmë këtë qëndrim për këdo që jemi vendosur përballë. Është e rëndësishme që standardi të vazhdojë”, tha Balla.
Ndër të tjera, Balla tha se kryetarja e Kuvendit Lindita Nikolla ka thirrur ditën e nesërme në orën 18:00 mbledhjen e Këshillit të Mandateve, që përbëhet nga 10 deputetë, të mazhorancës dhe opozitës për të shqyrtuar kërkesën e SPAK dhe ndërmarrjen e hapave konkrete.
Discussion about this post