Kërkohej nga Itali për kultivim droge/ Arrestohet 54- vjeçari, pritet ekstradimi

Një 54- vjeçar është arrestuar nga policia në Vlorë. Burime nga policia bëjnë me dije se në pranga ka rënë personi i identifikuar me iniciale A. A. (L)..

Policia jep detaje se 54- vjeçari ishte në kërkim ndërkombëtar për veprat penale “Trafikimi i lëndëve narkotike” dhe “Organizatë kriminale”.

“Në kuadër të këtij operacioni, në lagjen “1 Maji”, Vlorë, u bë kapja dhe ndalimi, me qëllim ekstradimi, i shtetasit: A. A.(L)., 54 vjeç, banues në Vlorë. Ky shtetas ishte shpallur në kërkim ndërkombëtar, pasi Gjykata e Lecce-s, Itali, me vendimin penal të datës 28.01.2022, ka lëshuar urdhër arresti ndërkombëtar, parashikuar nga Kodi Penal i Italisë”, njofton policia.

Interpol Tirana, në bashkëpunim me Interpol Roma, vijon procedurat për ekstradimin e këtij shtetasi drejt Italisë.