Bashkimi Qendror i Bashkive të Greqisë (KEDE) kërkon lirimin e menjëhershëm të Fredi Belerit, kryebashkiakut të Himarës, i zgjedhur në 14 maj, ndërsa dy ditë para zgjedhjeve u arrestua me akuzën e blerjes së votave.
Bordi Drejtues i KEDE shpreh mbështetjen për Belerin, i cili ndodhet në paraburgim dhe i bën thirrje qeverisë shqiptare të vijojë me lirimin e menjëhershëm të tij.
Në rezolutë theksohet se arrestimi i Belerit dhe paraburgimi i tij, është shkelje flagrante e rregullave themelore të të drejtave të njeriut dhe shtetit të së drejtës.
Një ditë më parë edhe Këshilli Bashkiak i Athinës miratoi një rezolutë ku kërkonte lirimin e menjëhershëm të Belerit.
GJKKO dha vendimin “Arrest me burg” për kryebashkiakun e zgjedhur të Himarës, Fredi Beleri dhe bashkëpunëtorin e tij, Pandeli Kokaveshi.
Discussion about this post