Dusan Vlahoviç është një nga emrat më të diskutuar dhe më të kërkuar nga shumë klube, ndonëse merkato e janarit do mbi një muaj që të nisë.
Trajneri i ri i Totteham, Antonio Conte e pëlqen shumë serbin dhe kjo ka bërë që klubi anglez të interesohet për të raporton ‘The Sun’.
Madje më tej raportohet se tekniku italian ia ka bërë të qartë klubit të tij që Vlahoviç e ka qëllim primar dhe se e do ta ketë nën urdhrat e tij sa më shpejt.
Drejtori sportiv i ‘Spurs’, Paratici ka kontaktuar menjëherë me Fiorentinën për sulmuesin dhe klubi italian ia ka bërë të qartë që nuk pranon ta japë atë për më pak se 85 milionë euro.
Vetëm nëse Tottenham do të paguajë këtë shifër Vlahoviç do të bashkohet me ta dhe duke ditur sa shumë e dëshiron trajneri Conte atë, ky transferim do jetë shumë i afërt./K.T/Gijotina.com
Discussion about this post