Deputetja e Partisë Demokratike, Grida Duma ka ngritur në Kuvend shqetësimin e pedagogëve shqiptarë të cilët kanë nisur protesta dhe kërkojnë rritje pagash dhe rritje të fondit për kërkimin shkencor.
Duma u shpreh se Shqipëria është e fundit sa i përket nivelit të pagave të akademikëve, teksa shtoi se edhe sikur të arrihet niveli i pagës sa në Kosovë, sërish ata nuk mund të quhen pedagogë, por nëpunës që u duhet të mbijetojnë. Ndër të tjera, deputetja deklaroi se me aq fonde sa janë përcaktuar për satelitët që do kapin ndërtimet pa leje, mund të bëhen së paku tre biblioteka të mira për universitetet.
“Po të diskutoni për pagat e pedagogëve, e fundit është Shqipëria. Kërkohet vetëm sa niveli i Kosovës. Por përsëri nuk është pedagog, së është nëpunës që do të mbijetojë. Pedagog është të ketë fond dhe të botoj në revista me faktor impakti. Të bësh këtë të paguan Universiteti. Shqipëria ka zero pagesa. Duhet të paguash 400 euro për të botuar. Për të marr pjesë në 5 konferenca, shkon më shumë se dy muaj pagë. Ka pedagogë që kanë ardhur nga Franca dhe u është dashur 6 vite këtu që të kërkoj njohjen e PHD”, tha ndër të tjera deputetja demokrate.
Discussion about this post