Gjykata e Posaçme (GJKKO) rrëzoi kërkesën e Sokol Mjacajt duke e lënë në regjimin 41 bis.
Vetë Sokol Mjacaj e ka ankimuar këtë vendim, por pas disa seancash, gjyqtari i posaçëm Erjon Bani, rrëzoi kërkesën duke e lënë për 1 vit Mjacajn në regjimin 41 bis.
Vendimi i GJKKO
Sokol Mjacaj, i dënuari përjetë, ekzekutoi Arben Lleshin brenda burgut të sigurisë së lartë në Peqin dhe plagosi Indrit Shaqjen.
1- Kërkuesi, Sokol Mjacaj, më datë 03.01.2024 ka paraqitur pranë Gjykatës kërkesën me objekt: Kundërshtimin e udhërit Nr. 685, datë 15.12.2023 të Ministrit të Drejtësisë “Për vendosjen në regjimin e posaҫëm të ushtrimit të të drejtave në burgun e sigurisë së lartë të të burgosurit Sokol Mjacaj”.
2- Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, bazuar në nenet 112 dhe dhe 471 të K.Pr.Penale, me vendimin Nr. 25, datë 25.03.2024, vendosi:
1- Rrëzimin e kërkesës së kërkuesit Sokol Mjacaj.
2- Shpenzimet gjyqësore në ngarkim të kërkuesit.
3- Kundër këtij vendimi mund të bëhet ankim në Gjykatën e Posaҫme të Apelit për Korrupsionin dhe Krimin e Organizuar brenda 15 (pesëmbëdhjetë) ditëve, duke filluar ky afat nga e nesërmja e njoftimit të këtij vendimi.
Tiranë, më datë 25.03.2024
Gjykata e Posaçme e Shkallës së Parë për Korrupsionin dhe Krimin e Organizuar
Discussion about this post