Vetëm pak pas përfundimit të konferencës së kryeministrit Edi Rama, ish kryeministri Sali Berisha i është kundërpërgjigjur deklaratave të tij ndaj SPAK ku i kërkoi sërish hetimin e Berishës pas shpalljes “non grata” nga SHBA.
Gjatë një konference për mediat, Berisha tha se Rama është në panik të madh dhe po mundohet që të shmang vëmendjen nga problemi kryesor që ka kërcënon vendin, që sipas tij është varfëria.
“Kreu i organizatës kriminale të hajdutëve të inceneratorëve. Në një panik të jashtëzakonshëm, merret me drejtësinë dhe me kundërshtarët e tij politik. Shkaqet janë madhore. Edi Rama beson se me këto qëndrime të tij që shëmbëllejnë apo janë për Korenë e Veriut apo regjimin e etërve të tij, ka disa synime. Pikë së pari të tërheq vëmendjen e qytetarëve që po përballen me vështirësi shumë të mëdha për shkak të kësaj qeverie e cila vetëm vjedh. Krijon vetëm mekanizma vjedhje. Shumica e familjeve shqiptare shpenzojnë mbi 50% të të ardhurave vetëm për ushqimet. Rritet çdo javë dhe çdo muaj në këtë vend në një kohë kur kryeministri dhe ministrat e tij të pangopur dhe përdorin fondet publike, pronat publike dhe asetet publike nga Kepi I Stillos deri në skajin tjetër. Në kurriz të taksapaguesve shqiptarë Edi Rama ecën dhe udhëton si gjëja më e pavlerë në Europën zyrtare” tha Berisha.
Kujtojmë se më herët Rama kërkoi nga SPAK që të hetojë ish kryeministrin pas shpalljes non grata nga SHBA, duke i kërcënuar se nëse nuk vepron SPAK, do veprojë ai.
Discussion about this post