Apeli i Gjykatës së Posaçme ka rrëzuar kërkesën e mjekut Edvin Prifti për heqjen e sekuestros ndaj pasurive të tij. Në vendimin e gjykatës thuhet se kërkesa e tij nuk mund të pranohet për aq kohë sa ai vazhdon të jetë në proces gjyqësore dhe të dhënat vërtetojnë që janë pasuri të krijuara nga korrupsioni.
Prej gati një viti Prifti vijon procesin gjyqësor për pafajësinë e tij, pasi ra fillimisht në përgjimet e dosjes që çoi në pranga gjyqtaren e Krujës Enkelejda Hoxha. Sekretarja e këtij institucioni fliste për ryshfet për operacionin e nënës së saj dhe për para që do t’i jepte Priftit. Për këtë arsye, mjeku u pezullua fillimisht nga detyra dhe më pas u vu në pranga. Gjetja e më shumë se gjysmë milioni euro në shtëpi e zyrë, këqyrja e telefonit dhe e laptopit i bëri prokurorët e SPAK që të zgjeronin hetimet dhe të ngrinin dyshime.
Discussion about this post