Kërkoi masë më të butë sigurie, fati i Belerit në Gjykatën e Lartë

Gjykata e lartë vendos më 25 korrik për fatin e kryetarit të bashkisë së Himarës, Fredi Beleri, që mbahet në burg për shit-blerje votash.

Beleri nëpërmjet avokateve të tij mbrojtës kërkon një masë më të lehtë sigurie se ajo e arrestit. Kërkesa do të shqyrtohet nga gjyqtari Sandër Simoni.

Më herët Gjykatat e Posaçme, ajo e shkallës së parë dhe e Apelit kanë rrëzuar kërkesat e kryebashkiakut të zgjedhur më 14 maj teksa mbahej në paraburgim.

Fredi Beleri u arrestua dy ditë para zgjedhjeve vendore të 14 majit, nën dyshimet se kishte ofruar para për vota në favor të tij. Hetimet nisën pas sinjalizimeve të marra nga policia dhe denoncimit në Prokurorinë e Vlorës të një qytetari nga Himara.