Gjykata e Posaçme e Shkallës së Parë Për Korrupsionin dhe Krimin e Organizuar ka vendosur disa muaj më parë sekuestro preventive mbi llogaritë bankare në emër të mjekut Edvin Prifti. Pas ankimimit të mjeku Prifti, apeli i GJKKO e ka refuzuar sërish duke e lënë në fuqi sekuestron.
Mjekut iu sekuestruan 51.479.368 Lekë dhe shuma prej 177.497 Euro ose në total mbi 73 milionë lekë.
Më herët mjekut Edvin Prifti i është sekuestruar edhe 380 mijë euro, që iu gjet cash në zyrë dhe në shtëpi. Në total sekuestro e pasurisë nga SPAK ndaj mjekut Edvin prifti ka shkuar në 1 milionë euro.
Mjeku Prifti akuzohet se mori ryshfet nga kryesekretarja e Gjykatës së Krujës, Manuela Mallakuçi për t’i operuar nënën. Sekretarja e Gjykatës së Krujës Manuela Mallakuçi ka qenë nën përgjim pasi ishte përfshirë në lirimin e të dënuarit Saimir Petani, i cili priste të lirohej nga Enkeleida Hoxha por që nuk u lejua nga SPAK duke e arrestuar atë dhe gjyqtaren Hoxha gjatë seancës.
Në një prej shumë bisedave që ka kryer, Mallakuçi është kapur duke folur me Priftin që t’i kryente një operacion jashtë radhe nënës së saj.
Prifti u arrestua më 15 shkurt në sallën e gjyqit pasi fillimisht kishte një masë pezullim nga detyra, por në banesë dhe çantën e shpinës ju gjetën rreth 380 mijë euro.
Discussion about this post