Presidenti i Partisë së Lirisë, Ilir Meta kërkon lirimin nga burgu.
Përmes avokatit të tij, Genc Gjokutaj, në Apelin e GJKKO është depozituar kërkesa ankimore për ndryshimin e masës së sigurisë “arrest me burg”
“Depozituam ankimin ndaj vendimit që caktoi masën e sigurimit dhe atij që vendosi vazhdimin e masës arrest me burg ndaj Ilir Metës. Qëndrimi jonë është kundër kërkesës së SPAK dhe gjykatës që caktoi këtë masë. Kjo masë nuk ka asnjë kriter të përgjithshëm apo të veçantë për t’u vendosur. Edhe nga pikëpamja e dyshimit të arsyeshëm që duhet të bazohet në prova, mund ta them që ky është një vendim i tipit thashethem”, tha Gjokutaj.
“Është marrë një e dhënë që është bërë brenda asaj dite, vendim në hamendësime, në rrethana të caktuara. Në të tre procedimet që i kanë bashkuar bashkë si duket është një metodë që u ka dhënë goxha dorë, në të treja procedimet pjesa e mosdeklarimit është krejt tjetër situata jemi duke investiguar këtë pjesë, do mbështetet në bazë dokumentesh”, shtoi ai.
Gjokutaj theksoi e kanë gati kallëzimin penal për arrestimin e Metës, por presin përgjigje nga policia për të bërë siç e quajti ai një kallëzim të denjë me qëllim që të parandalohen precedentë të tillë.
“PL i ka depozituar kërkesë drejtorit të policisë Ilir Proda dhe ministrit të brendshëm për informacion mbi këtë çështje. Të shohim çdo të na thotë Policia e Shtetit në lidhje me atë operacion. do të na japë a jo përgjigje. Çfarë përgjigje do japë? Ne kallëzimin e kemi gati për ta dorëzuar, por një informacion nga policia e kërkojmë të dokumentuar për të bërë një kallëzim serioz të vërtetë për të vendosur në vend ligjin e shkelur dhe për të parandaluar precedentë të tillë të llahtarshëm”.
Discussion about this post