Në Kuvendin e Shqipërisë kanë mbërritur prokurorët e SPAK dhe avokatët e Arben Ahmetajt, që do të jenë pjesë e Këshillit të Mandateve. SPAK përfaqësohet nga prokurorët Altin Dumani dhe Enkelejda Minollai, ndërsa Ahmetaj përfaqësohet nga avokatët Henrik Ligori dhe Ardian Visha.
Nuk dihet nëse deputeti Arben Ahmetaj do të jetë i pranishëm ose jo në mbledhje. SPAK kërkon autorizim nga Kuvendi për arrestimin e deputetit Ahmetaj.
Mbledhja do të jetë me dyer të mbyllura, ndërsa avokatët e Ahmetajt do të paraqesin kërkesën për shtyrjen e seancës, duke kërkuar më shumë kohë në dispozicion për të realizuar mbrojtjen.
Ndërkohë nga deputetë të opozitës do të kërkohet që mbledhja e Këshillit të zhvillohet me praninë e mediave, ndonëse nga SPAK është kërkuar zhvillimi i saj me dyer të mbyllura për shkak të ruajtjes së sekretit hetimor.
Discussion about this post