Pas një viti pandemik, kur për shkak të izolimit edhe “Panairi i Librit” u zhvillua online, këtë vit ky aktivitet i shumë pritur do të zhvillohet fizikisht. Si një nga ngjarjet më të rëndësishme kulturore “Panairi i Librit” do të zgjasë pesë ditë nga data 17 deri në 21 nëntor 2021. Këtë vit larmia e titujve të rinj do të jetë më e madhe për lexuesit. Do të zhvillohen diskutime, dhe takime me shkrimtarë të njohur, vendas e të huaj.
Për të vizituar panairin nuk do të duhet as certifikatë vaksinimi dhe asnjë tampon negativ, por do të respektohen të gjitha masat kundër COVID-19. “Panairi i Librit” do zhvillohet në Pallatin e Kongreseve, si zakonisht.
Ky është një lajm shumë i mirë për të gjithë ata që i duan shumë librat dhe që për vitin e shkuar u mërzitën që nuk mund të bënin shooping për libra.
Discussion about this post