Një lajm jo shumë i këndshëm vjen për adhuruesit e Khloe Kardashian. Milionerja e motrave më të famshme të serialit “Keeping up with the Kardashian” dhe vajza e saj, True Thompson janë infektuar me Covid-19.
Lajmi e ka dhënë vetë 37-vjeçarja e “Keeping Up With The Kardashians”, përmes një postimi në InstaStory, duke bërë me dije se është detyruar të anulojë të gjitha angazhimet.
“Përshëndetje, doja t’ju njoftoja që True dhe unë kemi rezultuar pozitive me COVID-19. Më është dashur të anuloi disa angazhime dhe më vjen keq që nuk do të jem në gjendje t’i realizoj ato. Për fat të mirë jam vaksinuar kështu që gjithçka do të jetë në rregull. Ne do të jemi në karantinë dhe do të ndjekim udhëzimet aktuale. Qëndroni të sigurt”, ka shkruar Khloe.
Kjo është përballja e dytë me Covid-19 për bukuroshen, e cila më parë zbuloi se kishte qenë e infektuar me virusin në mars 2020, pasi pandemia u përhap në të gjithë botën.
