Mbrëmjen e djeshme, gjatë emisionit të “Saturday Night Live”, Kim Kardashian ka marrë rolin e moderatores. Në të ajo duhet të përgatitej për një monolog, i cili duhet ta pranojmë që ishte me shumë nota humori.
Ajo e nisi monologun e saj duke u shprehur se ishte po aq e befasuar sa të gjithë që ndodhej në emision. Një fjali kjo që shkaktoi shumë reagime nga fansat në Twitter.
Kim kishte zgjedhur për këtë natë të vishej me një kostum që shndriste dhe ishte ngjyrë rozë.
Kardashian, gjatë monologut të saj, ka përmendur edhe arsyen e famës së saj, i cili është burimi fillestar i të gjithë karrierës, kaseta e seksit e cila u bë kudo virale. Ylli televiziv foli dhe për nënën e saj, Kris Jenner e cila njihet si një ndër menaxheret më të pamëshirshme dhe që e përfaqëson e promovon denjësisht familjen e saj.
“Unë nuk kam pasur një premierë filmi për një kohë shumë të gjatë. Askush as nuk më tha se ishte premierë. Duhet t’i ketë rrëshqitur nga mendja nënës time”- thotë Kim Kardashian
Biznesmenia foli për të shkuarën e Simpson, por sigurisht nuk mund të linte pa përmendur dhe historinë e saj të dashurisë me reperin më të njohur, Kanye West. Ajo aktualisht po divorcohet nga Kanye, dhe këtë çështje e trajtoi gjatë monologut të saj.
