Publicisti i njohur Kim Mehmeti ka folur me tone të ashpra dhe kritike ndaj klasës politike shqiptare. Në foltorja e Kuvendit të Shqipërisë ku u zhvillua një aktivitet në kuadër të javës çame, Mehmeti u shpreh se ndihet keq kur dëgjon që në këtë foltore shpërndahen mesazhe grindjeje dhe jo bashkimi.
“Të heshtësh për gjenocidin cam, atë të Kosovës apo të Srebenicës tregon se cfarë njeriu je. Nuk i lejohet këtij tempulli, i lejohet një kafeneje. Si mund të lodhësh duke i numëruar varet e shqiptarëve. Duhet ti numërojmë deri në fund. Të tjerët vijnë i mbledhin eshtrat e ushtarëve të vet. Serbia nuk i tregon ku janë varret masive. Ajo bën tregti me viktimat shqiptare. Prandaj them nuk është shqiptare, apo pak shqiptare. Është e turpshme. Të jesh burrë shtetas shqiptar dhe mos guxosh kolegut tënd grek ti thuash që pa çuar deri në fund çështjen çamë nuk mund të shkojmë me tej”, shprehet Mehmeti.
Sipas tij është e turpshme që të ulesh në një tryezë me Presidentin e Serbisë dhe të mos i thuash që nuk kam asnjë projekt me ty derisa të kërkosh falje.
Po ashtu Mehmeti u shpreh se Serbia po bën tregti me viktimat shqiptare, duke theksuar se ata e dinë ku ndodhet varret e shqiptareve të Kosovës, por nuk i tregojnë. Deklaratat e tij u bënë gjatë një aktivitetit të organizuar nga Kuvendi me rastin e javës çame.
“Unë shpesh herë jam ndjerë keq kur kam parë që kjo foltore shpërndan më shumë grindje sesa bashkim. Kur kam parë që shqiptari ja thotë shqiptarit atë që nuk ja thotë as një armik. Ato që i thotë shqiptari shqiptarit janë më të rënda Unë jam ndjerë keq që nga kjo foltore nuk shpërndahet urtësia shqiptare që është deti pa fund, por shpërndahet marrëzia politike Të dashur miq, jo vetëm kjo foltore, por të gjitha foltoret që ka shqiptaria mund të kuvendojnë për rrugët e të ardhmes”, shprehet Mehmeti.
Discussion about this post