Kina ka lëshuar sot një anije kozmike të mallrave për stacionin e saj në ndërtim e sipër, tha agjencia hapësinore e këtij vendi.
Agjencia Kineze e Hapësirës (CMSA) në një deklaratë tha se raketa Long March 7 Y4 mbante anijen kozmike “Tianzhou-3” në hapësirë nga qendra e lëshimit Wenchang në provincën Hainan në jug të Kinës.
Anija kozmike që mbante furnizime, pajisje dhe shtytës, u lëshua rreth orës 15:10.
“Rreth 597 sekonda më vonë, anija kozmike dhe raketa u ndanë me sukses dhe hynë në orbitën e planifikuar. Panelet diellore të anijes u vendosën pa probleme dhe funksionuan normalisht ndërsa lëshimi ishte sukses i plotë”, tha CMSA.
Ky ishte misioni i 20-të i nisjes së projektit hapësinor të drejtuar nga Kina dhe fluturimi i 389-të i serisë së raketave bartëse Long March të ndërtuar në vend, thuhet në deklaratë.
Misioni i sotëm do të përgatisë modulin bazë Tianhe të stacionit hapësinor Tiangong të Kinës për lëshimin e ardhshëm në tetor të tre astronautëve, të njohur si taikonautët, nën misionin “Shenzhou-13”.
Misioni i caktuar për muajin e ardhshëm pritet të zgjasë gjashtë muaj.
