Ndërsa vendet në të gjithë botën rihapin kufijtë dhe lehtësojnë kufizimet e koronavirusit, Pekini po dyfishon strategjinë e tij zero-Covid.
Shembulli i fundit është një strukturë karantine prej 260 milionë dollarësh, me 5,000 mijë dhoma për të ardhurit, e hapur në metropolin jugor të Guangzhou.
Kompleksi masiv përfshin një sipërfaqe me madhësinë e 46 fushave futbolli dhe u deshën më pak se tre muaj për t’u ndërtuar nga e para.
Ai do të zëvendësojë hotelet e caktuara të vendosura në të gjithë Guangzhou për të karantinuar udhëtarët kinezë dhe ndërkombëtarë që vijnë nga jashtë – një lëvizje që synon zvogëlimin e ekspozimit të banorëve ndaj rasteve të importuara.
Udhëtarët do të transferohen me autobusë direkt nga aeroporti dhe do të kufizohen në dhomat e tyre për të paktën dy javë. Çdo dhomë është e pajisur me një video kamera dhe një termometër me inteligjencë artificiale, me tre vakte në ditë të ofruara nga robotë, të gjitha të dizajnuara për të minimizuar kontaktet e drejtpërdrejta me anëtarët e stafit.
Përkthyer nga Gijotina.com.
