Kinematografia shqiptare ka humbur një nga figurat e saj më të njohura, aktorin Zhani Ziçishti, i cili u nda nga jeta në moshën 86-vjeçare. Lajmin e hidhur e publikoi Qendra e Artit dhe Kulturës Korçë, duke theksuar përkushtimin dhe pasionin e artistit për teatrin dhe filmin shqiptar gjatë një karriere të gjatë.
Ziçishti ishte një emër i njohur për rolet e tij të paharrueshme, të cilat lanë gjurmë në historinë e artit skenik shqiptar. Ai u bë i njohur për interpretimet e tij në disa filma të njohur, përfshirë “Mesi i errësirës”, “Përballimi” dhe “Asgjë nuk harrohet”, duke kontribuar në formimin e një epoke të rëndësishme të kinematografisë shqiptare.
Për të nderuar këtë artist të paharrueshëm, homazhet do të zhvillohen më 26 shkurt, nga ora 09:30 deri në 10:30, në hollin e teatrit në Korçë. Kontributi dhe trashëgimia e Ziçishti do të mbeten në kujtesën e artdashësve, të cilët e njohin atë jo vetëm si një aktor, por edhe si një figurë kyçe në zhvillimin e artit të skenës dhe filmit në Shqipëri.
Discussion about this post