Policia italiane ka arrestuar dy djem shqiptarë për shpërndarje droge. Në orën 17:20 një njësi e Komisariatit të Policisë së Riminit ka shkuar në një hotel në Marina Centro për të kryer kontrolle për të ftuarit në këtë objekt akomodimi.
Kur agjentët kanë nisur kontrollin, vëmendja e tyre ka rënë mbi dy djem, që sapo panë agjentët kanë tentuar t’i shmangen kontrollit duke u kthyer me shpejtësi në dhomën e tyre. Duke pasur parasysh sjelljen jonormale të të rinjve, është kërkuar ndihma e dy qenve të drogës. Në fakt, këta të fundit e kanë drejtuar menjëherë vëmendjen tek të rinjtë dhe gjithashtu tek pjesa e brendshme e dhomës.
Dhe pikërisht në dhomën e hotelit u zbulua droga e fshehur. Të rinjtë përveçse e kishin të fshehur në rroba, e kishin fshehur edhe brenda minibarit të vogël brenda dhomës. Ata u arrestuan dhe janë në pritje të masës së sigurisë që do të zhvillohet sot në Gjykatën e Riminit.
Discussion about this post