Mëngjesin e sotëm Polica Kufitare ka arrestuar në flagrancë një shtetas italian.
Shërbimet e Policisë Kufitare Kakavijë njoftojnë se, si rezultat i shtimit të kontrolleve me qëllim parandalimin dhe goditjen e paligjshmërisë, bazuar dhe në analizën e riskut, në dalje të RSH-së, kanë kaluar për kontroll në vijën e dytë automjetin Camper “Fiat” që drejtohej shtetasi italian D. G., 26 vjeç, banues në Siçili.
Ndër të tjera bëhet me dije se, gjatë kontrollit të ushtruar në automjet, nga shërbimet e Policisë Kufitare, u gjetën disa doza me lëndë të dyshuar narkotike kokainë. Pas kontrollit të imtësishëm në vend ngjarje, policia raporton se, në cilësinë e provës materiale u sekuestruan lënda narkotike, automjeti dhe 1 aparat celular. Ndërkohë, materialet i kaluan Prokurorisë Pranë Gjykatës së Shkallës së Parë Gjirokastër për veprën penale “Trafikim i lëndëve narkotike”.
E.H/ gijotina.com/
