Një 51-vjeçar nga Shkodra është arrestuar ditën e sotme, pasi ushtronte aktivitetin si dentist pa licencë. Bëhet me dije se, policia ka rënë në gjurmët e kësaj shkelje pas operacionit “Whiteness” të zhvilluar në Shkodër.
Gjatë operacionit, shërbimet e Policisë ushtruan kontroll në laboratorin dentar, në rrugën Gjylbegaj-Shkodër, në administrim nga ky shtetas. Nga kontrolli rezultoi se ky shtetas ushtronte këtë aktivitet i pa pajisur me licencë për ushtrimin e profesionit, dhe pa kasë fiskale.
Në këtë laborator u gjetën dhe sekuestruan në cilësinë e provës materiale sasi e konsiderueshme mallrash të markave të ndryshme dentare, të dyshuara kontrabandë. Gjithashtu u konstatuan në proces pune edhe dy shtetas (njëri prej tyre shtetas turk), të cilët ishin të paregjistruar në organet përkatëse. Të gjithë ata u shoqëruan në komisariat dhe po merren në pyetje.
Discussion about this post