Kishte mbushur dhomën e hotelit me drogëra të forta, arrestohet 23-vjeçari

Dy persona kanë rënë në prangat e policisë së Vlorës, pasi akuzohen për veprimtari kriminale në fushën e narkotikëve.
Policia bën të ditur se R. K., 23 vjeç, banues në Lipjanë, mbante droga të forta në vendin ku akomodohej, në Dhërmi. Gjatë kontrollit të ushtruar në ambientin ku qëndronte ky shtetas, shërbimet e Policisë gjetën tableta me lëndë të dyshuar narkotike ekstazi, një sasi lënde të dyshuar narkotike MDMA dhe një sasi lëndë të dyshuar narkotike cannabis sativa, të ndara në doza.
Gjithashtu u arrestua shtetasi A. S., 58 vjeç, pasi gjatë kontrollit të ushtruar në një sipërfaqe toke në përdorim të tij, në fshatin Shënvasil, Himarë, u gjetën të kultivuara bimë narkotike kanabis.
Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme