Simon Kjaer u bë një hero i vërtetë pasi i dha ndihmën e parë shokut të skuadrës Christian Eriksen, kur ky i fundit pësoi arrest kardiak në fushën e lojës gjatë ndeshjes hapëse të Danimarkës në “Euro 2020”.
Mbrojtësi i Milanit i është rikthyer edhe njëherë këtij momenti në një intervistë për një televizion danez dhe ka thënë se nuk ka fjalë që mund ta përshkruajnë.
“Eriksen? Ai moment nuk mund të përshkruhet. Dikush mund të përdorë vetëm fjalë si e tmerrshme dhe e pakuptueshme. Dhe këto fjalë nuk mjaftojnë fare.
Fitorja me Rusinë ishte një shpengim dhe një gëzim i madh së bashku dhe me të gjithë tifozët. Ajo fitore jo vetëm që na mbajti përpara, por gjithashtu na dha një lloj hapësire të lirë, pas gjithë asaj që kemi kaluar”, tha kapiteni danez.
Discussion about this post