Qeveria jonë ka miratuar vaksinimin ndaj Covid për fëmijët 12 vjeç e lart për ata që kanë sëmundje kronike dhe 15 vjeç e lart për fëmijët e shëndetshëm. Por, mjeku i njohur Ilir Alimehmeti është kundër vaksinimit të fëmijëve të shëndetshëm.
“Për fëmijët që kanë sëmundje, patjetër që duhet të vaksinohen. Këtu nuk ka asnjë lloj dyshimi. Por, përsa i përket fëmijëve të shëndetshëm nuk ka një përfitim madhor, sepse fatmirësisht nga pikëpamja e sëmundjes, ata që e kalojnë në mënyrë natyrore, e kalojnë shumë lehtë. Një llogaritje e bërë nga organet zyrtare të Britanisë së Madhe, thotë që duhen vaksinuar 25 mijë fëmijë, që të evitohet një shtrim i vetëm në spital”, tha ai. Në fakt, ne kemi edhe shumë të rritur që janë skeptikë dhe nuk pranojnë të bëjnë vaksinën anti Covid, rrjedhimisht ata nuk pranojnë të vaksinojnë fëmijët e tyre.
Discussion about this post