Trajneri i kombëtares gjermane Hansi Flik është ende i habitur nga vendimi i bordit drejtues të Bajernit të Mynihut për të shkarkuar trajnerin Julian Nagelsman. 35-vjeçari pasoi Flikun në verën e vitit 2021 në krye të bavarezëve, me një kontratë 5-vjeçare dhe rrogë të majme, ndonëse palët u ndanë si një rrufe në qiell të hapur, megjithëse humbja ndaj Leverkusenit kishte dhënë tronditje.
57-vjeçari gjerman e ka të vështirë gjetjen e arsyes se nga buroi ky verdikt, por prek rëndësinë e titujve në Mynih:
“E habitshme, nuk e prisja të ndodhte diçka e tillë, marrë në konsideratë klubin dhe politikat e tij ndër vite. Por nga krahu tjetër, aspiratat e klubit dihen.
Kur e shikon nga jashtë një gjendje është e vështirë të japësh një opinion konkret. Dëshira e tyre për të triumfuar në çdo front ku ata janë prezentë, shto këtu shpenzimet në merkaton e fundit dhe qëndron si arsyeje apo justifikim, ndonëse besueshmëria kalon në variacione të ndryshme.
Përgjegjësia e ka trashëguar postin e çdo personi në Mynih, si atyre që marrin vendime ekzekutive, ashtu edhe trajnerit, me skemat dhe rezultatet në fushë”, përfundoi ish-trajneri i Bajernit në periudhën 2019-2021.
Discussion about this post