Modelja dhe këngëtarja shqiptare, Kleoniki Delijorgji, këtë vit ka qenë shumë e përfolur në mediet rozë për stilin e saj të çuditshëm që e karakterizon.
Ajo gjithashtu njihet edhe për tipin e saj të drejtpërdrejtë dhe herë pas here i lë ndjekësit në rrjetet sociale pa fjalë, me postimet e pazakonta që bën.
Së fundmi, ajo ka postuar një foto që ka rrëmbyer vëmendjen e ndjekësve në Instagram. Në të ajo ndodhet afër një djali, ku madje i dedikon edhe disa fjalë dashurie: “Gëzuar ditëlindjen shpirti im. Të dua.”
Kjo më pas, pasohet me një postim tjetër, që ka filluar të ngjall akoma më shumë dyshime për një lidhje të mundshme që mund të ketë me personin në foto. Në të shkruhej: “Nëse telefoni i tij nuk duket kështu, atëhere ai nuk është i duhuri”.
Rikujtojmë se ajo gjithashtu është përfolur për një lidhje me Alban Ramosaj që mund të kenë pasur më përpara, ku publikuan edhe një videoklip së bashku në të cilën dukeshin shumë të afërt. /O.B/ Gijotina.com
