Ish-deputeti i PD, Klevis Balliu ka deklaruar ditën e sotme se plot 5200 delegatë që kanë firmosur do të jenë në Kuvendin e 11 dhjetorit. Balliu tha gjatë një interviste televizive se çdokush mund të shohë nëpërmjet barcodi-t me transparencë të plotë se kush është futur brenda Kuvendit Kombëtar.
“Në radhë të parë, dua t’ju zbuloj numrin. Kemi 5 mijë e 200 delegatë që kanë firmosur e që do të jenë më 11 dhjetor. Duke klikuar aty tek barcodi çdo njeri mund ta shohë se kush është futur brenda Kuvendit Kombëtar. Edhe mediat mund ta verifikojnë këtë gjë përmes bar code-t. Është lehtësisht e aksesueshme, është bërë me anë të një teknologjie. Ne kemi dhe badge-t e kartat e identitetit me anë të të cilave verifikohet që ai person që po vjen aty, është vërtetë ai”, tha Balliu, ndërsa shtoi se nuk ka arsye që të mungojë transparenca kur çdo gjë është gati.
Discussion about this post